مش هى دى حرية التعبير يا كريم
قرات خبر القبض على المدون كريم عند علاء وتابعت موضوع الحملة الموجهة لمساعدة كريم من عدد كبير من المدونين
بس عندى سوال للاخ كريم والمتضامنين معه
يا ترى هى دى حرية التعبير ؟ حرية التعبير انى يبقى فى واحد بيسىء للاسلام " من وجهة نظرى " فى كتاباته على مدونته وفى بعض المواقع الاخرى
طب ولو دى حرية التعبير ليه اعتبرنا اللى حصل فى الدنمارك العكس ولا ليه اعتبرنا انى اللى حصل منبابا الفاتيكان العكس
فين حرية التعبير دى فى انى واحد يقول على شهر رمضان الكريم " شهر نفاق " يعنى واحد بيوصف بتاع مليار مسلم انهم منافقين
ولا فين حرية التعبير فى جملة " كل من احترم ذاته وارتد عن الاسلام
يعنى عشان انا مسلم يبقى انا مش محترم نفسى
لو هى دى حرية التعبير يبقى فعلا انا مش عاوزها
ويا اهلا بقمع الحكومة
حرية التعبير لم تكن ابدا تضمن حق الفرد فى الاساءة للغير
يا اخ كريم ويا مدونين متضامنين معه
حرية التعبير ومفهوم الحرية فى الاصل مبنى عدم الاساءة الى اى فئة
واى افكار يعتنقها بشر
posted by memo @ ٧:٢٩ ص
18 Comments:
At ١٠:٠٩ ص,
غير معرف said…
الله يفتح عليك
كلامك منطقي
وبعدين مش كل واحد يسب دينا بحجة الحرية
نخلق منه بطل ومناضل
تحياتي
At ١١:٠٢ ص,
غير معرف said…
طيب ممكن حضرتك تشرحلي فائدة تدخل البوليس و النيابة و المحاكم في الموضوع ده؟
At ١١:٢٥ ص,
memo said…
با استاذ علاء هل انت شايف انى التهم الموجهة للاخ كريم مش حقيقية
هم قالوا او النيابة يعنى انه بيزدرى الاديان
ومعاهم حق
انا من ساعة لما قراءت الكلام عن كريم عندك وقعدت اعمل بحث عن اللى كتبه وفعلا كلامه فى منتهى السفالة
وبعدين موضوع انى البوليس او الدولة بتتدخل فى الموضوع ده
انا شايف انها المرة الوحيدة اللى اتدخلوا فيها صح
وبعدين يا استاذ علاء اللى بيكتبه كريم مش بيدخل ابدا فى نطاق الحرية الشخصية
انا مش بدافع عن الدولة ولا بشجع الرقابة على المحتوى الفكرى للمدونات
لا كل الموضوع انى مش مع الهوجة الكبيرة اللى معمولة للاخ كريم ده لانه ما يستاهلشانى حد اصلا يتكلم عنه
وبعدين يا اخى ليه حملات الدفاع دى ما تتوجهش فى الاساس لواحد معتقل زى عصام العريان
ما هو ده برده سجين فكر
At ١٢:٥١ م,
Egypt Camira said…
انا شايف ان انت واخد الموضوع بنزعة دينية شوية
فعلاً الدين آفه الشعوب ..
At ١:٥٥ م,
memo said…
ولو مش هغير على دينى هغير على ايه
At ٢:٣٨ م,
غير معرف said…
لو ممكن تسمحولي اقول رآيي من غير ما حد يهاجمني ولا يشتمنى من باب اني من حقي اقول رآيي انا معاك ١٠٠ في ال١٠٠ يا ميمو. شكرا عشان سمحتولى اقول رائي المتواضع، سلام.
At ٥:٢٨ م,
abu elleil said…
دي إسمها حرية (تعهير) يا عم ميمو, و لو في أوروبا و الدول المتقدمة حد فتح بقه بحاجة ضد (الساميّة) حيتحبس و يتحاكم, و لو حد عمل حملات تعاضد و مساندة حيبقى برضه بيعادي السامية, ماهمه الإخوة (الماشطين) في مصر مش قادرين يفهموا لحد دلوقت إن أول خطوة في احترامنا ليهم هي احترامهم لعقائد الناس اللي المفروض إن (نشاطهم) يكون عشانهم, مش علشان شكلهم يبقى (زي الفل) عند أوروبا و الدول المتقدمة! فيه ايه أغلى على البني آدم المؤمن من دينه؟ و بأي حق ييجي واحد معتوه أو غير معتوه يسخر من دين يعتنقه الغالبية في هذا الوطن؟ أما لو كان الإلحاد و تغييب الدين باعتباره (أفيون الشعوب) فاسمحولي أقول لمن يتبنوا حملات الدعم: اشنغلوا في حتة تانية غير هنا, ما فيش مشكلة في حملات تأييد الاعتقال على خلفية سياسية مطلقاً, لكن الأديان و العقائد: قف عندك, و بلاش مزايدات و همبكة.. مزيد من الغثيان و القرف.. إرحمنا يا رب
بص هنا :)
At ٥:٣٤ م,
abu elleil said…
دي إسمها حرية (تعهير) يا عم ميمو, و لو في أوروبا و الدول المتقدمة حد فتح بقه بحاجة ضد (الساميّة) حيتحبس و يتحاكم, و لو حد عمل حملات تعاضد و مساندة حيبقى برضه بيعادي السامية, ماهمه الإخوة (الماشطين) في مصر مش قادرين يفهموا لحد دلوقت إن أول خطوة في احترامنا ليهم هي احترامهم لعقائد الناس اللي المفروض إن (نشاطهم) يكون عشانهم, مش علشان شكلهم يبقى (زي الفل) عند أوروبا و الدول المتقدمة! فيه ايه أغلى على البني آدم المؤمن من دينه؟ و بأي حق ييجي واحد معتوه أو غير معتوه يسخر من دين يعتنقه الغالبية في هذا الوطن؟ أما لو كان الإلحاد و تغييب الدين باعتباره (أفيون الشعوب) فاسمحولي أقول لمن يتبنوا حملات الدعم: اشنغلوا في حتة تانية غير هنا, ما فيش مشكلة في حملات تأييد الاعتقال على خلفية سياسية مطلقاً, لكن الأديان و العقائد: قف عندك, و بلاش مزايدات و همبكة.. مزيد من الغثيان و القرف.. إرحمنا يا رب
بص هنا :)
At ٨:١٩ م,
غير معرف said…
nfكلامك جميل بس فيه عيب واحد في كلامك يا أستاذ فتح الباب هو انك بتتكلم عن موقفنا من الدانمارك و واخده حجه لواحد زي ده حاطط في صفحة المدونه بتاعته اعلان "ساعد الدانماركيين دافع عن حريتنا ادعم الدانمارك"
واحد بالوضع ده منتظر منه ايه ؟؟؟
أنا شايف انه شاب هايف جدا و كل اللي هو بيعمله ده ألابندا و مش هيفوق غير لما يضيع خالص
متضيعش وقتك في الكلام الموجه ليه
MaGeD
At ١٢:٠٠ ص,
shab masry said…
انا معاك 100% يا ميمو...
ايه الهبل الي بيحصل ده... بس معلش باة ناس محدثة ديموقراطية... لو انا جيت شتمتك وشتمت امك وابوك تبقى دي حرية تعبير... يا سلام عليكم يا بتوع الديموقراطية... ابسط حاجة لازم تفهموها.. حريتك تنتهي عند بداية انف الاخرين يا استاذة..
ولا تعليق على الهوجة الي فاتحها واحد والباقي ماشي وراه وهي دي الديموقراطية وبتاع.. مش فاهم امتى هنفكر
At ٩:٥٢ ص,
غير معرف said…
محمود فتح الله، انت ساكن كيلوباترا وطالب في الهندسة وكان عندك زمان جروب للنغمات البولي فونيك؟
كان لي صديق بنفس الإسم والمواصفات دي، انت هو؟!
At ١:٣٨ م,
memo said…
للاسف انا مش ساكن فى كليوبترا
وكمان انا مخلص كليه من زمان اوى
بس اكيد يسعدنى انى اكون صديقك
شرفت مدونتى المتواضعة
At ١:٢١ م,
غير معرف said…
لماذا هذه الجرأة على الإسلام؟ هل يجر} أحد على مهاجمة او حتى نقد الديانة
اليهوديةاو الهندوسية أو البوذية؟
إذا كان كريم قد ارتد عن الإسلام هو حر ولكن ما نشره عن الدين هو نعت بألفاظ وذلك أدنى درجات الموضوعية. لا يوجد شييْ في هذا العالم أبيض كله أو أسود كله. اعتراضي أيضا على سجن أو معاقبة أي إنسان بسبب فكره.
ثم أنت يا سي كريم لما تهاجم "دين" هو حيقوم يرد عليك ؟ ولا أحد يملك إنه يرد لأنه الدين مش ملك حد و محدش واقف عليه حارس
عزة مطر
At ١:١٠ م,
allfollowsome said…
دعوة الى نبذ النكد
17/11
اليوم العالمى للعيش من غير نكد
لا تتنكد ولا تنكد على حد
At ٧:٢٩ م,
غير معرف said…
انا اتفق مع علاء فى ان تدخل البوليس والنيابة حقيقة له رد فعل عكسى وفى غير محله واذا كان هذا الرجل يطرح افكار لا تتسق والمنطق وباحث عن الحقيقة على الحوار والنقاش الموضوعى ان يكون الطريق الوحيد للتعامل . وعلى رجال الازهر الاشاوس ان يظهروا لنا بعض المنطق والردوود الموضوعية بدلا من الصوت العالى والعنف المضاد. لكن بالنسبة لكريم عليه ان يتقبل النقاش والحوار وان يحاول ان يراعى فى حريته مشاعر وحرية الآخر.
At ٥:٠٥ ص,
غير معرف said…
اسمحلي يا صاحب المدونة المحترمة ان اقول رأيي بصراحة حتى لو هيزعل الاخرين ...لكن ده نوع من الديموقراطية اللي بينادوا بيها وبيها بيدافعوا عن انسان ( كان نفسي اديله لقب مناسب ليه بس هكون بشتمه ) لا يعرف الله حق معرفته ولا يعلم اصلا ما هي الديموقراطية.
الديموقراطية مش انك تشتم الدين واقل شئ جعلني افهم وادرك ان عبد الكريم ده انسان متخلف فكريا وسياسيا ايضا لكونه غير واع لاستخدام الديموقراطية ...هو ماقال عن شهر رمضان الكريم ولا اريد ان اكرر اللفظ الذي سب به شهر اصطفاه الله سبحانه وتعالى من كل الاشهر وبه ليلة خير من الف شهر وفيه نزل القرآن الكريم ...فلك ايها الانسان ان تتخيل شخص مسلم يسب شهر كرمه الله سبحانه وتعالى واعلاه منزلة فوق كل الاشهر ؟؟؟
واقول ايها الانسان مش بقول يا مسلم
تفتكر الانسان اللي يسب دينه وهو مازال عليه يبقى جدير بانه يحترم من الاخرين ويلقى منهم كل هذا الدعم والمساندة والهتافات ؟؟؟
ان كنت قولت قبل كده في احد المنتديات الامريكية لما نشروا موضوع عن حرية التعبير في الشرق الاوسط
قولت انها لو اتيحت هنستغلها غلط مش صح
احنا شعب يستحق القمع
وارجعوا الى عصر الفراعنة
وعلى رأي صديقي المقهور محدود الدخل ( شعب مصر في كلمتين ...طبلة تلمهم وعصاية تهشهم )
وندائي للناس المحترمة اللي بيساندوا واحد سب الدين والازهر الشريف ...وقال ديه حرية رأيي ...بقولهم ياللي بدافعو عن شخص زي ده لو شايفيين حاجة في المسلمين غلط هاتوا ادلة وواجههوهم بالغلط ده مش تواجه الدين البرئ منكم ومن افعال المسلمين اللي ضيعوا الدين
بالظبط زي واحد عاوز يعتنق الاسلام ويقولك اصل كل المسلمين بيسرقوا وما عرفش ايه طيب وانت مالك ومال اللي معتنق الدين ؟ بص للدين مش للي يدين بيه.
روحو اقفوا جنب اللي الشباب الذي الورد عندنا في جامعه عين شمس اعتقلوهم لمجرد انهم علقوا ورق بخصوص الحجاب وبيدعو البنات للاحتشام وكل هدفهم اصلاح المجتمع
اظن دوول ما حدش قالهم انتوا فين
لكن نسأل عن اللي بيسب الدين ويسخر من شعائر الاسلام
؟؟؟؟؟؟؟؟؟؟؟؟؟؟؟؟؟
بالله عليكم مش احنا كمصريين نستاهل القمع والضرب بالجزمة ؟؟؟
وشكرا مرة تانية يا استاذ محمود انك سمحتلنا نتكلم
At ١١:٢٤ ص,
غير معرف said…
والله يا شباب ربنا يكرمكم ريحتونى اصلى كنت فاكر ان فيه ناس مرتده شبهه ربنا يحفظنا جميعا من الابتلاء فى الدين
At ١١:٢٢ ص,
غير معرف said…
يا ولاد، أنا راجل عجوز 62 سنة. بحاول أعرف ايه اللى بيجرا فى بلدى اللى عايش بعيد عنها من 31 سنة. مبشفهاش الا فى الأجازات. و كل ما أقرأ أو أشوف أو أسمع خبر عنها أقول امتى يا ربى حتقدر للبلد دى انه ينصلح حالها. مانكرش ان مجرد قدرتكم على نشر آراءكم دى نعمه كبيره، مكناش نحلم بيها عمرنا ، لكن للأسف حرية كلام و بس. يا ولاد أنا مش بلومكم، لكن أنا محتار فى الشعب المصرى اللى أنا منه و مش فاهمه، كل الناس مش عاجبها حاجات كتير و بتتكلم و تنشر رأيها و الحكومه سايباهم معظم الوقت ، لكن بتعمل اللى هيه عايزاه و لا كانها سامعه و لا شايفه. حرية أى انسان حدودها حرمات الآخرين المادية و المعنويه. للأخ كريم اللى بتتكلموا عنه:بص حواليك يابنى ، بص كويس للدنيا و أحوالها و ناسها فى كل مكان. فين العدل يابنى؟ فين المنطق اللى يرضى عقلك الا فيما ندر. المستحق فى أى مكان و زمان نادر ما ياخد حقه، و غير المستحق واخد كل حاجة!! ده يا كريم يرضى منطق العدل عند أى مخلوق ؟فما بالك يابنى بالخالق. مش ده لوحده أكبر اثبات ان فيه آخرة تتعدل فيها الكفة المايله؟
و اذا كان فيه آخره مش فيه رب و فيه دين؟ مال الرب و دينه بتصرفات الناس؟ بص للكاتالوج و متبصش للى بيحاول يشغل المكنه و يمشيها من غير ما يقراه، و لو قراه مش عايز يمشى عليه. تفتكر المكنه حتشتغل؟
إرسال تعليق
<< Home